Բարեգործական միջոցառում երեխաների պաշտպանության միջազգային օրվա առթիվ
30.05.2011
Ինչպես հայտնի է հունիսի 1-ը համայն մարդկության կողմից հռչակվել է երեխաների պաշտպանության օր: Իհարկե, երեխաները, հատկապես նրանք, ովքեր առողջական խնդիրներ ունեն, կարիք ունեն անընդհատ ուշադրության և պաշտպանության: Բայց այս մեկ օրն օգտակար է` տարվա մեջ գոնե մեկ անգամ միմյանց այդ մասին հիշեցնելու և փոքրիկներին ինչ որ կերպ աջակցելու գաղափարի շուրջ համախմբվելու համար: Ահա և համախմբվել են «Օգնեմ» հիմնադրամը և Քրիստափոր Քուշնարյանի անվան երաժշտական դպրոցը` մի լուսավոր նպատակ իրականացնելու համար: Այսպիսով` սույն թվականի հունիսի 1-ին Երևանի Մոսկովյան պուրակում ժամը 18.00-ին կկայանա բարեգործական միջոցառում, որն ուղղված կլինի Հայաստանի` արյան օնկոլոգիական հիվանդություններով տառապող երեխաներին աջակցելուն: Միջոցառումը կսկսվի համերգով. ելույթ կունենան Քրիստափոր Քուշնարյանի անվան երաժշտական դպրոցի սաները, այնուհետև տեղի կունենա արյան հիվանդություններով տառապող երեխաների ձեռքի աշխատանքների ցուցահանդես- վաճառք: Այս միջոցառման նպատակն է օգնել հիվանդ փոքրիկներին և ևս մեկ անգամ հիշեցնել նրանց, որ նույնիսկ դաժան հիվանդությունն անզոր է արվեստի, գեղեցիկի ու բարու առաջ: Եվ, որ այն ներքին լույսը, որով օժտել է նրանց Աստված, միևնույն է դուրս է հորդելու ու հասնելու է մարդկանց, նույնիսկ հիվանդանոցից: Այս անգամ մարդիկ հաղորդակից կլինեն այդ լույսին երեխաների աշխատանքների միջոցով: Սիրով հրավիրում ենք բոլորին մեր գողտրիկ միջոցառմանը` համոզված լինելով, որ յուրաքանչյուրի փոքրիկ ներդրումն օգտակար է լինելու երեխաներին:
30.05.2011
Ինչպես հայտնի է հունիսի 1-ը համայն մարդկության կողմից հռչակվել է երեխաների պաշտպանության օր: Իհարկե, երեխաները, հատկապես նրանք, ովքեր առողջական խնդիրներ ունեն, կարիք ունեն անընդհատ ուշադրության և պաշտպանության: Բայց այս մեկ օրն օգտակար է` տարվա մեջ գոնե մեկ անգամ միմյանց այդ մասին հիշեցնելու և փոքրիկներին ինչ որ կերպ աջակցելու գաղափարի շուրջ համախմբվելու համար: Ահա և համախմբվել են «Օգնեմ» հիմնադրամը և Քրիստափոր Քուշնարյանի անվան երաժշտական դպրոցը` մի լուսավոր նպատակ իրականացնելու համար: Այսպիսով` սույն թվականի հունիսի 1-ին Երևանի Մոսկովյան պուրակում ժամը 18.00-ին կկայանա բարեգործական միջոցառում, որն ուղղված կլինի Հայաստանի` արյան օնկոլոգիական հիվանդություններով տառապող երեխաներին աջակցելուն: Միջոցառումը կսկսվի համերգով. ելույթ կունենան Քրիստափոր Քուշնարյանի անվան երաժշտական դպրոցի սաները, այնուհետև տեղի կունենա արյան հիվանդություններով տառապող երեխաների ձեռքի աշխատանքների ցուցահանդես- վաճառք: Այս միջոցառման նպատակն է օգնել հիվանդ փոքրիկներին և ևս մեկ անգամ հիշեցնել նրանց, որ նույնիսկ դաժան հիվանդությունն անզոր է արվեստի, գեղեցիկի ու բարու առաջ: Եվ, որ այն ներքին լույսը, որով օժտել է նրանց Աստված, միևնույն է դուրս է հորդելու ու հասնելու է մարդկանց, նույնիսկ հիվանդանոցից: Այս անգամ մարդիկ հաղորդակից կլինեն այդ լույսին երեխաների աշխատանքների միջոցով: Սիրով հրավիրում ենք բոլորին մեր գողտրիկ միջոցառմանը` համոզված լինելով, որ յուրաքանչյուրի փոքրիկ ներդրումն օգտակար է լինելու երեխաներին:
վերադառնալ
Developed by Smart Systems LLC.
© Օգնեմ հիմնադրամ 2012