Փետրվարի 15 - Մանկական քաղցկեղի դեմ պայքարի միջազգային օր

16.02.2010
Փետրվարի 15-ին` Մանկական քաղցկեղի դեմ պայքարի միջազգային օրը, «Նարեկացի» կենտրոնում կայացավ Լիտվացի ռեժիսոր Առունաս Մատելիսի «Երկիր ետ թռչելուց առաջ» ֆիլմի ցուցադրությունը: Ֆիլմը պատմում է Լիտվայի Արյունաբանական հիվանդանոցներից մեկում բուժվող երեխաների, նրանց առօրյայի, խնդիրների ու երազանքների մասին: «Օգնեմ» հիմնադրամի շարքերում աշխատող լիտվացի կամավորի նախաձեռնությամբ ցուցադրելով այս ֆիլմը` ցանկանում էինք հիշեցնել, որ դժբախտության առաջ կանգնելիս, պետք է մոռացվի ազգային պատկանելիությունը, պետք է մի կողմ դրվեն ամոթն ու հպարտությունը, որոնք չեն թույլ տալիս ասել. «Ահա ես` իմ առողջական խնդիրներով, իմ հույսերով և երազանքներով»: Մենք կոչ ենք անում խոսել բոլոր դժվարությունների մասին, ուսուցանել այլոց, ինչպես հոգեբանորեն հաղթահարել աշխարհում ամենաթանկ էակի` երեխայի հիվանդության հանդեպ ունեցած սարսափը: Չէ որ վախը միայն կաշկանդում է և փակում սրտի դռները Աստծո առաջ, մինչդեռ Նրան է, որ պետք է ապավինենք ու Նրանով մխիթարվենք: