Օգնության ձեռք` մեկնված Ավստրիայից
02.03.2012
Օգնության ձեռք` մեկնված Ավստրիայից Շուրջ երկու տարի է անցել այն օրից, երբ «Օգնեմ» հիմնադրամի գրասենյակում հեռախոսազանգ հնչեց Ավստրիայից, և տիկին Գոհար Պարզիանի բարեհամբույր ձայնը հայտնեց այն մասին, որ ինքն ու իր ընտանիքը, ինչպես նաև մի խումբ բարերարներ որոշել են օգնել Հայաստանի` արյան օնկոլոգիական հիվանդություններով տառապող երեխաներին, և, որ այդ օգնությունը տեղ հասցնող միջնորդ օղակը պիտի հանդիսանա «Օգնեմ» հիմնադրամը: Այդուհետ հիմնադրամը սկսեց պարբերաբար փոխանցումներ ստանալ «Հաիրապետ Պարզիան և ընկերներ Ավստրիայից» անվան ներքո (այս մասին կարելի է տեղեկություններ ստանալ անցնելով հետևյալ ուղով` http://www.ognem.am/am/grantors/16/): Անչափ հաճելի է, որ թե' հայրենիքից հեռու գտնվող մեր հայրենակիցները, թե' ազգությամբ ավստրիացի բարի մարդիկ միացել են այս աստվածահաճո միջոցառմանը և աջակցում են մեզ` սարսափելի հիվանդության դեմ ամենօրյա պայքար մղող երեխաներին օգնելու գործում: Տեր և տիկին Պարզիանների, պարոն Անդրեաս Կրաութշնեյդերի, տիկին Կարոլա Սիքսի և այլ բարերարների ջանքերով 23.02.2009թ. մինչ օրս կանոնավոր կերպով հավաքագրվում և «Օգնեմ» հիմնադրամի միջոցով` արյան քաղցկեղի դեմ պայքարող երեխաներին են տրամադրվում դրամական օգնություններ` վերջիններիս բուժումն ավելի արդյունավետ դարձնող դեղամիջոցները ձեռք բերելու նպատակով: «Օգնեմ» հիմնադրամը երախտագիտություն է հայտնում իր և իր շահառուն հանդիսացող փոքրիկների անունից և հույս հայտնում, որ կբազմապատկվի նմանատիպ բարեգործական միջոցառումների և դրանց մասնակիցների թիվը:
02.03.2012
Օգնության ձեռք` մեկնված Ավստրիայից Շուրջ երկու տարի է անցել այն օրից, երբ «Օգնեմ» հիմնադրամի գրասենյակում հեռախոսազանգ հնչեց Ավստրիայից, և տիկին Գոհար Պարզիանի բարեհամբույր ձայնը հայտնեց այն մասին, որ ինքն ու իր ընտանիքը, ինչպես նաև մի խումբ բարերարներ որոշել են օգնել Հայաստանի` արյան օնկոլոգիական հիվանդություններով տառապող երեխաներին, և, որ այդ օգնությունը տեղ հասցնող միջնորդ օղակը պիտի հանդիսանա «Օգնեմ» հիմնադրամը: Այդուհետ հիմնադրամը սկսեց պարբերաբար փոխանցումներ ստանալ «Հաիրապետ Պարզիան և ընկերներ Ավստրիայից» անվան ներքո (այս մասին կարելի է տեղեկություններ ստանալ անցնելով հետևյալ ուղով` http://www.ognem.am/am/grantors/16/): Անչափ հաճելի է, որ թե' հայրենիքից հեռու գտնվող մեր հայրենակիցները, թե' ազգությամբ ավստրիացի բարի մարդիկ միացել են այս աստվածահաճո միջոցառմանը և աջակցում են մեզ` սարսափելի հիվանդության դեմ ամենօրյա պայքար մղող երեխաներին օգնելու գործում: Տեր և տիկին Պարզիանների, պարոն Անդրեաս Կրաութշնեյդերի, տիկին Կարոլա Սիքսի և այլ բարերարների ջանքերով 23.02.2009թ. մինչ օրս կանոնավոր կերպով հավաքագրվում և «Օգնեմ» հիմնադրամի միջոցով` արյան քաղցկեղի դեմ պայքարող երեխաներին են տրամադրվում դրամական օգնություններ` վերջիններիս բուժումն ավելի արդյունավետ դարձնող դեղամիջոցները ձեռք բերելու նպատակով: «Օգնեմ» հիմնադրամը երախտագիտություն է հայտնում իր և իր շահառուն հանդիսացող փոքրիկների անունից և հույս հայտնում, որ կբազմապատկվի նմանատիպ բարեգործական միջոցառումների և դրանց մասնակիցների թիվը:
վերադառնալ
Developed by Smart Systems LLC.
© Օգնեմ հիմնադրամ 2012